Íslensk nútímamálsorðabók

Stofnun Árna Magnússonar í íslenskum fræðum

vatn no hk

framburður

	vökvi gerður úr sambandi súrefnis og vetnis (H²O), sem ár og höf eru gerð úr og er stór hluti af líkama lífvera á jörðinni
	dæmi: hún drakk vatn úr glasi

	stöðuvatn
	dæmi: það er mikil silungsveiði í vatninu

	gamaldags
	fljót, vatnsfall
	dæmi: þeir fóru yfir vötnin á hestum

orðasambönd:

eins og að drekka vatn

	án mikillar fyrirhafnar
	dæmi: hann hleypur maraþon eins og að drekka vatn

eins og að skvetta vatni á gæs

hefur ekki hin minnstu áhrif

fá vatn í munninn

hlakka til að borða eitthvað gómsætt

fiska í gruggugu vatni

viðhafa ekki heiðarleg vinnubrögð

<kenningin> heldur ekki vatni

... stenst ekki, gengur ekki upp

<hafa aldrei> dýft hendi í kalt vatn

... þurft að vinna (erfiðisvinnu)

<húsið> heldur hvorki vatni né vindi

... lekur og er óþétt

kasta af sér vatni

pissa

mega ekki vatni halda <af hrifningu>

vera frá sér numinn af hrifningu

mikið vatn hefur runnið til sjávar <síðan þetta gerðist>

margt hefur gerst síðan

vera eins og fiskur í vatni

búa við ákjósanlegar aðstæður

<fréttin> er vatn á myllu <andstæðinganna>

... kemur sér vel fyrir þá

<henni> rennur kalt vatn milli skinns og hörunds

... hryllir við, líður mjög ónotalega

setja <fangann> á vatn og brauð

...á mjög lélegt fæði

<andi breytinga> svífur yfir vötnunum

... er ríkjandi

sækja vatn yfir lækinn

taka á sig óþarfa krók, gera sér óþarfa ómak

það sér ekki högg á vatni

það sér engan mun, það virðist ekkert hafa minnkað

þetta kemur allt með kalda vatninu

það gerist á endanum